Sapar barysynda Senat depýtatarynyń nazaryn aýdarǵan máselelerdiń biri Taraz qalasynan shyǵatyn qaldyq sýlardy arnaıy súzgiden ótkizetin orynnyń bolmaýy. Osynyń saldarynan bolashaqta kórshi jatqan Jambyl aýdany turǵyndary da aýyz sýdyń azabyn tartýy múmkin. О́ıtkeni, tazalanbaǵan qaldyq sý jer asty sýymen qosylyp ketedi. 2000 jyldyń tarıhy bar Taraz úshin bul óte ózekti másele. Sondaı-aq, senatorlarmen kezdesýde eldi mekenderdi gazdandyrý men aýyzsý máseleri de kóterildi.
Senat tóraǵasynyń orynbasary Bektas Beknazarov oblys ákimshiligi, máslıhat depýttatarymen aımaqtaǵy mekeme basshylarymen, buqaralyq aqparat quraldarynyń ókilderimen de kezdesip, Elbasynyń Elbasy Joldaýy men bes áleýmettik bastamasynyń mańyzyn jan-jaqty túsindirdi.
«Qazaqstan álemdegi túrli synaqtarǵa tótep berip, qarqyndy ekonomıkalyq damý jolyna bet aldy. Bul oraıda elimizdiń aýylsharýashylyǵyn kóterý asa mańyzdy. Elbasy Joldaýynda agroónerkásip keshenin jańa tehnologııalyq deńgeıge kóterý kerektigin mindettedi. Bul – aýyl sharýashylyǵynda eńbek ónimdiligi men óńdelgen ónim eksportyn túbegeıli arttyrýǵa jol ashady»,- dedi senator.
Jambyl oblysynyń ákimi Asqar Myrzahmetov senatorlarǵa aýyl sharýashylyǵy, ónerkásip pen kásipkerlik salasyn damytýdyń jol kartasy ázirlengendigi, qordalanǵan problemalardy sheshý úshin onyń arnaıy tetigi daıyndalǵandyǵy jóninde maǵlumat berdi.
Sondaı-aq, Senatynyń tóraǵasynyń orynbasary Jambyl oblysy Ishki ister departamentine baryp, jedel basqarý ortalyǵynyń jumysyn kórdi, qyzmetkerlerimen kezdesý ótkizdi, qabyldanǵan zańdar týraly áńgimeledi, qatysýshylardyń suraqtaryna jaýap beredi. О́z kezeginde, Ishki ister departamentiniń qyzmetkerleri aǵymdaǵy zańnamany jetildirýge qatysty óz usynystaryn ortaǵa saldy. «Kóterilgen máselelerde nazarǵa alarlyq negiz bar, biz zańnamalardy daıyndaý barysynda bul usynystaryńyzdy jan-jaqty zerdeleıtin bolamyz bolamyz» dep atap ótti Bektas Beknazarov.
